Ofte stilte spørsmål

Noreg er delt inn i fem prisområde, så for å kunne vise deg prisen på straumavtalane som blir selde i ditt prisområde treng vi å vite kommunen din. Det er Statnett som er ansvarleg for inndelinga av prisområda.

Eit forbruk på 16000 kWh er gjennomsnittleg forbruk i Noreg og er lagt inn som standard. Du kan også justere forbruket ved å velje ein annan bustadtype eller legge inn forbruket ditt sjølv. Du finn som regel detaljert informasjon om forbruket ditt ved å logge inn på nettselskapet og/eller straumselskapet sine nettsider. Alle med ein automatisk straummålar (AMS) kan også sjekke sitt faktiske forbruk innlogga på Elhub.

Om du vel «Vis detaljar» under dei enkelte avtalane på samanlikningstenesta, vil du sjå at utrekninga tar utgangspunkt i gjennomsnittleg spotpris siste 10 dagar frå kraftbørsen Nord Pool inkludert meirverdiavgift. Straumselskapa kan bruke ein annan måte for å vise deg kva avtalen din kostar. Dei kan for eksempel ta utgangspunkt i kva spotprisen er i dag.

Om ein inngår ein spotprisavtale så er det viktig å vere klar over at spotprisen varierer time for time. Det blir regulert på kraftbørsen Nord Pool. Det er også her straumselskapa hovudsakleg kjøper straumen dei sel kundane sine. Det er derfor ikkje mogleg å seie nøyaktig kva spotprisen vil vere framover i tid.

Forskjellen på straum og nettleige kan forklarast med at du kjøper straumen du brukar av straumselskapet, medan nettselskapet eig straumnettet og fraktar straumen heim til deg.

Du kan ikkje velje bort nettselskapet du er tilknytta. Nettleiga avheng av kva prismodell selskapet har og av kor mykje straum du brukar. Forbrukarrådet har derfor valt å berre vise straumprisen.

Kor mykje nettselskapet ditt kan ta seg betalt i nettleige blir regulert av Noregs vassdrags- og energidirektorat (NVE). Du finn meir informasjon om nettleige på nettsidene til NVE.

Det finst eit utal straumavtalar med ulike prismodellar, så vi anbefaler at du brukar søkefeltet for å finne din straumavtale. Du kan søkje på straumselskap eller namnet på straumavtalen. Alle avtalar som både er i sal og utgått frå sal, men med aktive kundar på skal rapporterast inn av straumselskapa. Vi anbefaler at du sjekkar di side hos straumselskapet eller tar direkte kontakt om du ikkje finn pris og avtalevilkår for di avtale.

Du må huke av for kortare vilkårsgaranti i menyen til venstre for å sjå desse avtalane. Det er viktig å vere merksam på at dette hovudsakleg er kampanjeavtalar. Sidan det ikkje er gitt prisgaranti i ein lengre periode, må ein vere ekstra merksam på straumavtalen du blir flytta over på etter kampanjeperioden. Ofte set dei opp prisen, og gløymer ein å bytte avtale, blir det fort veldig dyrt.

Du må fullføre bestillinga ved å følgje lenka til straumselskapet. Prisbeviset og varsel på SMS er tenester levert av oss, og bestiller du berre desse har du ikkje inngått ein avtale med straumselskapet.

Når du får straumrekninga bør du sjekke at pris og vilkår stemmer med det du blei lova. Varsel på SMS kan du bestille ved inngåing av spotprisavtalar. Vi vil sende deg ein SMS før prisgarantien utgår, slik at du kan finne ein ny billig og varig avtale. Dette er fordi mange opplever å bli flytta over på ei dyrare avtale etter enda garantiperiode.

Straumforbruket fordeler seg ikkje likt utover året. Det blir brukt for eksempel mykje meir straum om vinteren enn om sommaren. Derfor brukar vi ei fordeling som er meir i tråd med forbruket slik det faktisk er i løpet av eit år. Utrekninga er basert på statistiske tal og er gjort i samråd med tilsynsmyndigheita NVE.

Straumselskapa har rapporteringsplikt til Forbrukarrådets samanlikningsteneste, og prisane som er oppgitt skal vere dei same som du finn på straumselskapet sine nettsider. Vi anbefaler uansett at du dobbeltsjekkar prisen med det som er oppgitt på nettsida til straumselskapet.
Det er spesielt i periodar kor marknadsprisen på straum varierer mykje at straumselskapa endrar prisen på avtalane sine. Om dei har lagt inn ei endring på ein avtale, som ikkje er oppdatert hos oss, kan det nokre gonger skyldast at vi ikkje har rukke å oppdatere prisane på tenesta.