Om oss


Forbrukarrådet er ein uavhengig interesseorganisasjon som hjelper forbrukarane og påverkar styresmakter og næringsliv i ei forbrukarvennleg retning.

Forbrukarrådet er statleg finansiert, men fristilt politisk frå overordna departement (Barne- og likestillingsdepartementet) med særskilde fullmakter, eige styre, og eigne vedtekter fastsette ved kongeleg resolusjon. Direktør i Forbrukarrådet er Randi Flesland, og Forbrukarrådet sitt styre blir leitt av Anne Kathrine Slungård (frå 1. september 2014).

Kunnskapen frå kontakten med forbrukarar, styresmakter og næringsliv gir organisasjonen ein eineståande kompetanse om ulike marknader, og Forbrukarrådet sine talspersonar er svært synlege i den offentlege debatten.

I Forbrukarrådet jobbar det rundt 140 personar, og vår felles visjon er å gi forbrukarar makt og moglegheit til å ta gode val. Forbrukarrådet har tre satsingsområde som alle skal bidra til denne visjonen: tvisteløysing, forbrukarpolitikk og digitale tenester.