Dette er ein kontrakt som kan brukast ved ordinære kjøp av hus, eigarseksjon eller hytte mellom private utan bruk av meklar.
Kontrakten kan brukast der seljaren ønskjer å selje eigedomen med den generelle reservasjonen at eigedomen blir seld som den er.
Forbrukarrådet tilrår at kontrakten blir fylt ut elektronisk av partane i fellesskap.
Dersom du/de opprettar brukar på Min Side, kan skjemaet lagrast og redigerast. Skjemaet kan lagrast og redigerast på Min Side i maksimalt eitt år. Du finn innlogging til Min Side øvst til høgre når du opnar det elektroniske skjemaet.
Etter utfylling lastar du/de ned ein pdf av kontrakten, som blir skriven ut i aktuell mengd kopiar og blir signert av begge/alle partar. Forbrukarrådet oppmodar partane til å lese gjennom heile avtalen før avtalen blir underskriven.
Alternativt kan du skrive ut kontrakten og fylle han ut på papir.